L’intraprese partenarie sò cunvinte di a necessità di fà campà a lingua corsa.
Anu cuscenza di l’impurtanza di a diversità linguistica per l’umanità, chì u linguaghju hè una caratteristica soia.
Sanu chì u plurilinguisimu porta una multiplicità di cunniscenze è dà accessu à una grande varietà di sapè, d’idee, di manere di vede e cose. Capiscenu chì Scola Corsa hè una scola à u serviziu di u sviluppu di a Corsica.
Li garba a pedagugia di prugetti, l’apertura linguistica, l’implicazione di i parenti, a qualità di l’insignamentu.
Cunvalidanu u fattu chì l’intrapresa hà una rispunsabilità sucetale al dilà di u solu fattu di creà ricchezza.
Perchè l’intraprese spartenu i nostri valori, si sò impignate à fiancu à noi, è cun Scola corsa arricchiscenu a so persunalità è a so singularità ; portanu cusì un’aghjunta di sensu à u so travagliu cutitianu.
