CAMPÀ è amparà in corsu
Ghjucà, amparà, cumunicà, cuntà, ride, campà… in corsu ! In e scole Scola Corsa, i zitelli sò in un bagnu di lingua. Si chjama “immersione” stu bagnu linguisticu cutitianu, permette di diventà bislingu in corsu è in francese. Si tratta d’una manera naturale d’amparera induve a lingua hè acquistata è micca amparata.
Fundata nant’à a cultura corsa, sta maestria di e duie lingue porta dinù un’apertura culturale. Apre à a diversità linguistica è nutrisce l’inseme di l’amparere sculare. “ U corsu hè a lingua naturale di a scola”, spiega a direttrice di Scola Corsa Corti. “In stu bagnu linguisticu permanente, i zitelli facenu a leia trà e parolle, e spressione è a vita di a scola. Acquistanu dinù, senza sforzu, e regule grammaticale di a lingua. Li vene di manera naturale”.
Hè cusì chì a lingua corsa diventa un arnese per l’inseme di l’amparere sculare (fora di u francese, chì hè insignatu in francese). À Scola Corsa, subbitu à a materna, l’insignanti ùn s’addirizzanu à i zitelli ch’è in corsu, ognunu prugressa à u so passu ver’di u bislinguisimu.
U corsu hè dinù essenziale durante i ghjochi, i ripasti, i scambii infurmali cun l’adulti o i zitelli. St’inseme porta à a lingua a so dimensione affettiva.
“U fattu d’acquistà duie lingue hè una carta maestra pè u sviluppu di e capacità cugnitive. U zitellu hà una flessibilità mentale più grande è prumaticcia di pettu à i monolingui”.
Lucutori bislingui attivi
L’ogettivu di l’immersione hè di permette à l’elevi di diventà lucutori bislingui attivi, vale à dì d’esse cumpetenti in corsu è in francese, à paru. Li permette, à l’esciuta di a so scularità, di raghjunghje u percorsu di studii chì li cunvene. E scole anu vucazione, à breve termine, d’esse sott’à cuntrattu cun l’Educazione naziunale è l’elevi di Scola Corsa anu u listessu prugramma di francese ch’è in una scola monolingua.
« A scola hè gratisi in soldi, ma micca in tempu, a ghjente deve investiscesi per fà vince soldi è di falla funziunà” , spiega Sébastien Antoniotti, presidente di Scola Corsa di Sarrula à Carcupinu. Antone, parente d’elevu in una scola di Bastia a dice anch’ellu : « Ciò ch’ellu si scopre in Scola Corsa hè l’aiutu, a spartera, a sulidarità. Passemu mumenti felici, è mumenti più difficiuli perchè u benevulatu pò esse stancante. Ci amparemu assai è sapemu perchè femu e cose, pè i nostri zitelli. Si sviluppanu leie d’amicizia è face assai piacè di vede chì a scola permette di tesse leie forte trà di noi. »
« L’amparera di a lingua in immersione hè una carta maestra pè i zitelli, un svegliu, un’apertura à l’amparera più faciule à d’altre lingue” dice Laura, mamma d’un zitellucciu di cinque anni in Bastia. “ I zitelli ùn amparanu micca menu in furia u francese. I parenti ponu esse rassigurati« .
U fattu chì Scola Corsa sia una scola assuciativa ispettata di manera regulare da l’Educazione naziunale ci porta una guaranzia pedagogica, sopr’à tuttu pè u rispettu di i prugrammi”.
E 3 tappe d’un zitellu scularizatu à Scola Corsa per ammaistrà a lingua corsa
Ascolta attenta è à tastoni chì anu da permette à u zitellu d’accede di manera prugressiva à a capiscitura di l’evenimenti è di i scambii urali ch’ellu hè testimone in u so ambiu di scola.hanges oraux dont il est témoin dans son environnement de classe.
U zitellu sperimenta e so capacità di spressione è si lancia in i scambii – corti à principiu, di più in più elaburati più tardi – cun l’altri zitelli o adulti chì l’ingiranu.
À partesi da a fine di a materna, i zitelli amparanu pocu à pocu à leghje, à cuntà, à risolve i prublemi, à sprime punti di vista è à apprezià l’implicitu d’un testu in corsu. Quessa, senza passà pè a traduzzione in francese.
Inspiré de’Diwan
Ogni minutu hè preziosu
In l’amparera d’una lingua, u tempu di spusizione hè impurtantissimu. Eppuru, à u 21u seculu, l’ambiu familiale è suciale di e famiglie hè soprattuttu francofonu, è di più in più a trasmissione familiale di a lingua corsa si pianta. A scola hè dunque diventata u locu principale di trasmissione di u corsu. Hè pè risponde à sta situazione chì Scola Corsa hà sceltu u metudu di l’immersione.
Cumunque, puru sì a scola hè immersiva, u tempu massimu d’immersione ùn rapresenta ch’è una parte minima di u tempu di svegliu di i zitelli. Hè cusì chì pè un zitellu di materna o di u primariu, l’immersione in scola rapresenta 8% di u so tempu annuale (740 ore nant’à 8760).
“Ùn si passa micca tantu tempu ch’è quessa in scola, allora ogni minutu hè preziosu. Hè per quessa chì à Scola Corsa s’ampara dinù in u curridore, à a cantina è in a corte…” dice Vanina chì hà scrittu i so figlioli toccu l’apertura di a prima classa di Scola Corsa, in u 2021.
I benefizii di u bislinguisimu prumaticciu
OGNI PERDITA DI LINGUA HÈ UNA PERDITA PER L’UMANITÀ
U fattu d’acquistà duie lingue hè una carta maestra pè u sviluppu di e capacità cugnitive. Ranka Bijeljac-Babić, psicolinguista di l’università di Poitiers, autrice di u libru “L’enfant bilingue – De la petite enfance à l’école” (Odile Jacob, 2017) spiega cusì chì i benefizii di u bislinguisimu prumaticciu.
“U bislinguisimu presenta avantaghji cugnitivi. U zitellu hè più sensibule. Ci hè una flessibilità mentale più grande è prumaticcia ch’è ind’è i monolingui. Di siguru ùn vole micca dì chì u zitellu bislingu hè di più intelligente, ma u fattu di passà da una lingua à l’altra sviluppa una ginnastica mentale è cerebrale. À u livellu linguisticu, u zitellu bislingu hè di più apertu à l’altre lingue è hè dinù capace per l’amparera d’una terza lingua. Avè a maestria di duie lingue, apre a curiusità à d’altri soni. “Ci hè un paradossu : si stimula u bislinguisimu cun l’inglese, l’alemanu, u spagnolu… È da un altru latu, si svalurizeghja e lingue chjamate minore : u wolof, u tamul, l’arabu, u purtughese, u corsu, u brittonu… Eiu, sò in una dimarchja universale : ogni perdita di lingua hè una perdita per l’umanità.”
Prupositi racolti di marzu 2018, à l’occasione di u cungressu organizatu da Kelenn pè i 40 anni di u retale Eskolim
In a dimarchja d’immersione, i parenti anu un rollu di primura, ch’elli sianu lucutori o micca. Spieghendu à i so figlioli e ragione di a so scelta di prugettu educativu, incuragenduli, valurizeghjanu à tempu u so figliolu è a so dimarchja d’amparera.
A ponu ancu rinfurzà riapprupriendusi, elli stessi, a lingua corsa ; durante i corsi di a sera, per esempiu, cum’è à Praticalingua, per esempiu.
In fine, u tempu massimu d’immersione in scola ùn rapresenta ch’è una parte minima di u tempu di svegliu di i zitelli.
L’assistente è assistenti materni facenu parte di a squadra pedagogica
L’assistenti.e materni.e facenu parte di a squadra pedagogica. Pè i chjuchi, hè impurtante di sente parlà corsu in tutte e situazione, in particulare in quelle chì ùn cuncernanu micca direttamente l’amparere sculare (corte, cabinetti, mantellu, feritucce, mumentucci di tristezza…). U fattu d’avè parechji interlucutori cursofuni chì i zitelli ponu sullicità è à quale si ponu cunfidà hè qualcosa di preziosu. “Identificheghjanu l’adulti chì l’accumpagnanu in classa cum’è puntelli indispensevuli”, dice Anna Catalina Santucci, cuurdunatrice di Scola Corsa. “In più, cum’elli ùn sò micca incaricati di valutà u travagliu, l’assistenti anu piuttostu un rollu di cunsulazione, di cunfortu, è quessa conta”.
Spieghendu à i so figlioli e ragione di a so scelta di prugettu educativu, incuragenduli, valurizeghjanu à tempu u so figliolu è a so dimarchja d’amparera.
Amparà à leghje
« Qualchì volta ci dumandanu s’è no ùn purtemu micca preghjudiziu à l’amparera di u francese”. Eppuru, à l’oppostu, ci rendemu contu chì i zitelli sò fieri d’ammaistrà duie lingue : di fatti, dui tesori. L’immersione in scola crea l’equilibriu cù a lingua francese, à parità”.
In i fatti, una volta chì i zitelli anu scupertu un cuncettu o una tennica nova per via di u corsu, ùn anu più bisognu di falla in francese. Adopranu ste cumpetenze nove sin’à diventà cusì cumpetenti in francese ch’è in corsu in ogni duminiu.
E scole Scola Corsa seguitanu i prugrammi ufficiali di l’Educazione naziunale è sì u ritimu di prugressione ùn hè micca u listessu ch’è in una scola monolingua, e valutazione fatte da u ministeru, in l’inseme di e scole francese in immersione, mostranu chì i so elevi presentanu risultati sculari almenu cunformi à ciò chì hè aspettatu d’elli à a fine di l’annu di CM2.