A lingua corsa ùn hè un inghjocu puliticu, hè un bè cumunu
In risposta à u discorsu diffamatoriu di M. Blanquer – anzianu ministru di l’Educazione naziunale – nant’à l’insignamentu immersivu di Scola Corsa, 70 capi d’impresa s’impegnanu in un sustegnu murale, materiale è finanziariu à a dimarchja Scola Corsa.
In un Manifestu di l’imprese pè u corsu, invitanu l’inseme di l’imprese, di l’istituzione è di i citadini à aderisce à st’iniziativa, à nome di una Corsica chì face campà tradizione, innuvazione è umanisimu.
« Perchè a lingua spechja valori, puntella i nostri i nostri ligami suciali, e nostre manere di pensà, d’amparà, di travaglià, di campà inseme.
Cridimu chì sta dimarchja hè strutturante pè a nostra sucetà. Prepara una generazione aperta, arradicata, plurilingua è cunfidente. Parlà corsu hè dà una voce à u nostru avvene. »
Facciu a scelta di l’azzione
Zifru u Manifestu pè a lingua corsa
U corsu hè u nostru bè cumunu, ùn hè manc’appena un sugettu puliticu. Si trata di trasmissione, d’avvene.
Cù a so forte arradichera in u territoriu, a lingua corsa hè u mutore di a nostra sucetà. Hè u spechju di i so valori, struttureghja i nostri ligami cullettivi, a nostra manera di pensà, d’amparà, di travaglià, di campà inseme. Permette l’inclusione è a cuesione suciale.
L’amparera in immersione hè a sola manera accertata di fà locutori attivi.
L’insignamentu di u francese ci trova a so piazza, vene naturale è faciule.
A dimarchja di Scola Corsa hè fundamentale pè a nostra sucetà. Darà nascita à una generazione aperta, arradicata, plurilingua è serena.
Diventu un impresa meceniu
Stu donu vale una riduzzione d’impositu di 60%
Scola Corsa hè eleghjevule à u mecenatu d’impresa. Sta forma di sustegnu à l’attività d’interessu generale permette à l’imprese di benefizià d’una riduzzione d’impositu di 60 % di u donu fattu. Cuncerna tutte l’imprese (SA, SARL, SCI, SCP, SNC…) ch’elle sianu assughjettite à l’impositu nant’à e sucetà o à l’impositu nant’à u rivenutu. In st’ultimu casu, sò e regule di u mecenatu di i particulari chì valenu.
A riduzzione d’impositu accurdata à l’impresa meceniu (60% di u donu) vene scuntata di l’impositu nant’à e sucetà.
Per indettu, un donu di 10.000 € riprisenta in fatti una spesa di 4000 €.
Facciu un donu à Scola Corsa à titulu di particulare
Stu donu vale una riduzzione d’impositu di 66%
Stu donu apre un dirittu à riduzzione d’impositu di 66% di u valore di u donu.
Scola Corsa sviluppa un retale d’insignamentu immersivu laicu è di gratisi. In u 2026, cinque scole scularizeghjanu più di 200 zitelli.
E spese à l’annu sò di 9000 € per ogni zitellu (maestre, ATSEM, materiale…), è Scola Corsa cuntabilizeghja avà 35 impiegati (maestre, aiute materne è squatra amministrativa).
Tuttu què ùn si pò fà senza u vostru sustegnu finanziariu.