Travaglià à Scola Corsa, hè a pussibilità di parlà corsu ogni ghjornu è di mette a lingua à u core di u so mistieru. Pocu à pocu ch’ellu si sviluppi, u retale prupone offerte d’impieghi in i so stabbilimenti o à l’internu di a federazione. Ponu esse unu di sti mistieri : prufessore di e scole ; agente spezializatu.a di e scole materne (assistente in materna) ; agente d’intrattenimentu ; cullaburatrice o cullaburatore amministrativu.
U corsu essendu à tempu lingua d’insignamentu ma dinù lingua di vita di i stabbilimenti Scola Corsa, a maestria di u corsu face parte di i criterii dumandati pè u riclutamentu.
A PIRAMIDE DI MASLOW APPIEGATA À U TRAVAGLIU
À partesi d’osservazione realizate in l’anni 1940, Abraham Maslow definisce i bisogni inerenti à l’Omu. U psicolugu i scrive in u guatru d’una ierarchia : i bisogni i più fundamentali si vedenu i in u bassu di a piramide, i bisogni di cumpiimentu di sè ghjunghjenu à l’ultimu, in cima. Sta piramide di i bisogni illustra per Maslow a so teuria di a mutivazione. Prugettu prufessiunale, Scola Corsa permette d’accede à a realizazione di sè.
Sì u travagliu dà un sensu à a vita, impignassi pè a cultura è a lingua corsa à prò di i più giovani entre di fattu in sta categuria.
dde