E scole di Scola Corsa sò scole immersive. Scrivenduci i so figlioli, i parenti aderiscenu à l’associu di a so scola. In cunseguenza, e famiglie sò parte integrante di u funziunamentu di a scola è di a trasmissione di a lingua è di a cultura corsa.

A cullaburazione effettiva di i genitori hè una stampa di fabrica di u retale Eskolim. Sò elli chì creanu è chì guidanu u so funziunamentu cù un impegnu benevulente, ognunu à so misura, in l’associu o in u cumitatu di sustegnu. Di stu modu, cuntribuiscenu à l’attività di a scola è di l’associu Scola Corsa, è benefizieghjanu di a so dinamica.

In una scola assuciativa, ognunu hà un rollu : i zitelli vanu in scola, l’insignanti l’amparanu è e famiglie facenu funziunà a scola. St’impegnu culletivu arreca un picculu supplementu d’anima à l’avventura è cusì, a scularità di i zitelli hè gratisi.

Quand’elli scrivenu i so figlioli, i parenti d’elevi diventanu autumaticamente membri di i dui associi : l’associu chì gestisce a scola è u retale Scola Corsa chì addunisce tutti i stabilimenti sculari.

Stu funziunamentu cundiziuneghja propiu à beneghju u raportu di u zitellu à a so scola.